[31/01, 8:00 AM] Sujatha Ravish Madam: ೧೨೭ನೇ ಜನ್ಮದಿನಾಚರಣೆಯ ಸವಿಸ್ಮರಣೆ ಮತ್ತು ಭಕ್ತಿನಮನಗಳು
ಅವರ ಕವನಗಳ ಸಂಕಲನಗಳ ಶೀರ್ಷಿಕೆಗಳಿಂದ ಹೆಣೆದ ಕವನ
ಬೇಂದ್ರೆ ನುಡಿ ನಮನ
ಬೆಳಕು ಮೂಡಿಸಿದ ಸುಂದರ ರಾಗರತಿಯಲಿ
ಪಾತರಗಿತ್ತಿ ಪಕ್ಕಾ ಹಾಡಿದ ನಾದಲೀಲೆ ಉಲಿ
ಶ್ರಾವಣ ವೈಭವ ಯುಗಾದಿಗಳ ಸಂಭ್ರಮದಲಿ
ಹಕ್ಕಿ ಹಾರುತಿದೆ ನೋಡಿದಿರಾ ಎಂದ ಧಾರವಾಡದವಾ.
ಚಿತ್ತಿಯ ಮಳೆಯ ಸಂಜೆಯಲ್ಲಿ ಉಲ್ಲಾಸ
ಭೃಂಗದ ಬೆನ್ನೇರಿ ಬಂತು ಕಲ್ಪನಾ ವಿಲಾಸ
ನೀ ಹೀಂಗ ನೋಡಬ್ಯಾಡಾ ನನ್ನ ಎಂಬ ಆ ಶೋಕ
ಓಂ ಸಚ್ಚಿದಾನಂದ ಘೋಷವದು ಅಲೌಕಿಕ .
ಬಡವ ಬಡವಿ ಎನ್ನುತ್ತಾ ಕಾವ್ಯಲೋಕವಾಯ್ತು ಶ್ರೀಮಂತ
ಅಮೂಲ್ಯ ರತ್ನಗಳು ನೀವನುವಾದಿಸಿದ ಮೇಘದೂತ
ಗಂಗಾವತರಣ ತಂದ ಆ ದೈವೀಕ ಅದ್ಭುತ
ಅಚ್ಚರಿಯಲ್ಲ ನಾಕುತಂತಿಯಾದ್ದು ಜ್ಞಾನಪೀಠ ವಿಜೇತ .
ಸುಜಾತಾ ರವೀಶ್
[31/01, 12:09 PM] Annapoorna Madam: *ಜನುಮದಿನದ ಶುಭಾಶಯಗಳು*
*ದ ರಾ ಬೇಂದ್ರೆ*
ಧರೆಗಿಳಿದ ಕನ್ನಡ ಕುವರನು
ಜ್ಞಾನಪೀಠ ಪುರಸ್ಕೃತ ಧಿರನು
ಪ್ರಶಸ್ತಿ-ಪುರಸ್ಕಾರಗಳ ಆಗರ
ಜ್ಞಾನಭಂಡಾರದ ಶಾಂತಿಸಾಗರನಿವನು//
ಮನದ ಭಾವದಿ ಕನ್ನಡ ಕವನ
ತುಡಿತಗಳಾ ಪದಗಳಾಗಿ ಅಲಂಕರಿಸಿ
ಕೀರ್ತಿ ಶಿಖರವಾ ನಗುತ ಚುಂಬಿಸಿ
ಕನ್ನಡ ಸಾಹಿತ್ಯ ಶ್ರೀಮಂತವಾಗಿಸಿದ//
ಕವನದಿ ಕನ್ನಡ ಪದಗಳಾ ಸ್ಪುರಿಸಿ
ಕರುನಾಡ ಸೌಂದರ್ಯ ಆಲ್ಹಾಧಿಸಿ
ಕವನಗಳಲಿ ಸಿರಿ ಮಾಧುರ್ಯ ಹರಿಸಿ
ಓದುಗರ ಮನದಿ ನಿತ್ಯ ಕನ್ನಡವಾ ಇರಿಸಿ/
ಕನ್ನಡ ನಾಡು-ನುಡಿಯ ಕೊಂಡಾಡಿ
ಭುವನೇಶ್ವರಿಯ ಕಳಸದಿ ಮೂಡಿ
ಸವಿಗನ್ನಡವಾ ನಿತ್ಯ ಆರಾಧನೆ ಮಾಡಿ
ರಸಋಸಿ ಕವಿಗಳೊಡನೆ ಒಡನಾಡಿ/
ಅಂಬಿಕಾತನಯನೆಂಬ ಕಾವ್ಯನಾಮ
ಕನ್ನಡ ಅಕ್ಷರಗಳ ನಲಿಸಿದ ಸುಧಾಮ
ಎಲ್ಲ ಪ್ರಾಕಾರಗಳಲಿ ಕವನಗಳು ಅಪ್ರತಿಮ
ಸುಂದರ ಕವನಗಳು ಹೃದಯಂಗಮ//
ಅಕ್ಷರ ಅಕ್ಷರಗಳಲ್ಲಿ ಕನ್ನಡ ಅಭಿಮಾನ
ಪದ ಪದಗಳಲಿ ಕರುನಾಡ ವರ್ಣನ
ಕವನಗಳಲಿ ಕನ್ನಡ ಪದಗಳ ನರ್ತನ
ನಿರುತ ಕರುನಾಡ ತಾಯಿಗೆ ನಮನ//
*ಡಾ ಅನ್ನಪೂರ್ಣ ಹಿರೇಮಠ ಶಿಕ್ಷಕಿ ಬೆಳಗಾವಿ*/
[31/01, 12:33 PM] Irappa Bijali SirNP: *ದ.ರಾ.ಬೇಂದ್ರೆಯವರಿಗೆ ನುಡಿ ನಮನ*
*ಯಕ್ಷಯಕ್ಷಿಣಿ ಪ್ರಣಯ*
ಸಖೀಗೀತದ ಸವಿಯನುಣಿಸಿ
ಹೃದಯ ಸಮುದ್ರ ಕಲಕಿದೆ
ನಾಕುತಂತಿಯ ನಾದ ನುಡಿಸಿ
ಅರಳು ಮರುಳು ಮಾಡಿದೆ ||
ಮೇಘದೂತನ ಹಾಡುಪಾಡಿಗೆ
ಸೂರ್ಯ ಪಾನ ಅರಳಿದೆ
ಮುಗಿಲ ಮಲ್ಲಿಗೆ ಬಿರಿದು ಮೆಲ್ಲಗೆ
ಕಂಪು ಸೂಸಿ ಮೆರೆದಿದೆ ||
ಕೃಷ್ಣ ಕುಮಾರಿ ಗರಿ ಬಿಚ್ಚಿ
ನವಿಲಿನಂತೆ ಕುಣಿದಳು
ಯಕ್ಷಯಕ್ಷಿ ಇಳೆಗೆ ಇಳಿದು
ಒಲವೇ ಬದುಕು ಎಂದರು ||
ಜೀವಲಹರಿ ಹೊನಲು ಹರಿದು
ಪ್ರೀತಿ ಸಂಚಯ ಆಯಿತು
ಯಕ್ಷಯಕ್ಷಿಣಿ ಮಧುರಮೈತ್ರಿಗೆ
ಮತ್ತೆ ಶ್ರಾವಣ ಬಂದಿತು ||
ಉತ್ತರಾಯಣ ಪುಣ್ಯಕಾಲದಿ
ನಭೋವಾಣಿ ತೇಲಿತು
ಯಕ್ಷಯಕ್ಷಿಣಿ ಜೋಡಿ ವಿನಯದಿ
ಧರೆಗೆ ನಮನವ ಹೇಳಿತು ||
*ಈರಪ್ಪ ಬಿಜಲಿ. ಕೊಪ್ಪಳ*
[31/01, 1:19 PM] Shankarananda Hebbala: ಬೇಂದ್ರೆ ಜನ್ಮ ದಿನದ ಪ್ರಯುಕ್ತ
ಗಝಲ್ ೧೬೧೭
ಮುಗಿಲ ಮಲ್ಲಿಗೆಯಲ್ಲಿ ಯಕ್ಷ ಯಕ್ಷಿಯ
ಕರೆಸಿದವರು ಬೇಂದ್ರೆ
ನಾದಲೀಲೆಯಲ್ಲಿ ಉಯ್ಯಾಲೆಯಾಡಿ
ಮೆರೆಸಿದವರು ಬೇಂದ್ರೆ
ಹೃದಯ ಸಮುದ್ರದಲ್ಲಿ ಸಖಿಗೀತೆಯನ್ನು
ಅರುಹಿದರೇಕೆ
ಮುಕ್ತಕಂಠದಲ್ಲಿ ನಾಕುತಂತಿಗೆ ಗರಿಗಳನ್ನು
ಬರೆಸಿದವರು ಬೇಂದ್ರೆ
ಗಂಗಾವತರಣದಿ ನಮನ ಸಲ್ಲಿಸುತಲಿ
ಸಂಚಯ ಮೂಡಿಸಿದರಲ್ಲ
ಒಲವೆ ನಮ್ಮ ಬದುಕೆಂದು ಪರಾಕಿಯ
ಹರಸಿದವರು ಬೇಂದ್ರೆ
ಬಾಹತ್ತರ ನೋಡುಬಾ ಮತ್ತೆ ಶ್ರಾವಣ
ಬಂತು ಎಂದರಲ್ಲವೆ
ಚೈತ್ಯಾಲಯದಿ ಕೃಷ್ಣಕುಮಾರಿಯ ಕಂಗಳನು
ತೆರೆಸಿದವರು ಬೇಂದ್ರೆ
ಇದು ನಭೋವಾಣಿಯೆಂದು ಅಭಿನವನ
ಕವಿತೆಯು ಸಾರಿ ಹೇಳಿದೆ
ತಾಲೆಕ್ಕಣಿ ತಾ ದೌತಿಯೆಂದು ಕಾವ್ಯವೈಖರಿ
ಸುರಿಸಿದವರು ಬೇಂದ್ರೆ
ಶಂಕರಾನಂದ ಹೆಬ್ಬಾಳ
[31/01, 1:56 PM] Jyotibha Sir: ನಮ್ಮ ಅಜ್ಜ ಬೇಂದ್ರೆಯವರು
ನಿಮ್ಮ ಮೊಗದಾಗ ಇರ್ತಿತ್ತು
ಹೊಂಬೆಳಕ ಹೋಳಿನ ಕಾಂತಿ
ಸ್ವರದಾಗ ಉಕ್ಕಿ ಹರಿತಿತ್ತು
ಭಾಷೆಯ ವಿನ್ಯಾಸದ ಪ್ರಗತಿ.l l
ಗೀಚುವ ಹಾಳೆಯು ತರ್ತಿತ್ತು
ಗಾಳಿಗೆ ಗರಬಡಿದ ಚಿಂತಿ
ಕಾರಣವ ಹುಡುಕಾಕ್ ನಿಂತಿತ್ತು
ಪದಗಳ ಹೆಕ್ಕಿ ಎಲ್ಲಿಂದ ತರ್ತಿ.l l
ಕನ್ನಡವು ಕನ್ನಡಿ ಹಿಡಿದಿತ್ತು
ಕಾಣಲು ತನ್ನಯ ಮೋತಿ
ಪ್ರತಿಬಿಂಬ ನೋಡಿ ನಸುನಕ್ಕಿತ್ತು
ಕಂಡಾಗ ಕಾವ್ಯದ ನಾಕುತಂತಿ. I l
ತ್ರಾಸಿನ ಪ್ರಾಸದ ಪದ ಹೇಳ್ತಿತ್ತು
ಬರೀಲಾಕ್ ಯಾಕರ್ ನಿಂತಿ
ನಾಲಗ್ಯಾಗ್ ನಲಿದಾಡಿ ಬರ್ತಿತ್ತು
ಸೊಗಡಿನ ಪದಗಳ ಕಂತಿ ಕಂತಿ l l
ಜ್ಞಾನದ ಜೋಳಿಗೆ ತುಂಬಿ ತೆರೆದಿತ್ತು
ಧಾರವಾಡ ಜಿಲ್ಲೆಯೋಳಗಂತಿ
ಸಾಧನಕೇರಿ ಸಾರಿ ಮಳಿ ಸುರಿಸಿತ್ತು
ಆಗಲೇ ಜಗದಗಲ ಜ್ಞಾನವ ಬಿತ್ತಿ l l
ಜ್ಯೋತಿಭಾ. ಎನ್. ಚಿಲ್ಲಣ್ಣವರ.
✍️ಪೇಟೆಕವಿ
[31/01, 3:10 PM] +91 90605 47777: ವರಕವಿ ಬೇಂದ್ರೆ.
ಕನ್ನಡ ಅವಧೂತ ಕವಿ ಎಂದೆ ಪ್ರಸಿಧ್ಧರಾಗಿರುವ,
ಕವಿ ಋಷಿ, ದತ್ತಾತ್ರೇಯ ರಾಮಚಂದ್ರ ಬೇಂದ್ರೆ ಅವರ ಪುಣ್ಯಸ್ಮರಣೆ ಇಂದು.
ಹುಟ್ಟಿದ್ದು ಹುಬ್ಬಳ್ಳಿಯ ಶಿರಹಟ್ಟಿಯಲಿ, ತಾಯಿ ಅಂಬವ್ವ.ಅವಳ ನೆನಪಿಗೆ ತಮ್ಮ ಕಾವ್ಯ ನಾಮ" "ಅಂಬಿಕಾ ತನಯದತ್ತ" ಎಂದಿಟ್ಟುಕೊಂಡರು.
ಭೃಂಗದ ಬೆನ್ನೇರಿ ಬಂತು ಕಲ್ಪನಾ ತರಂಗ, ಬೆಳಗು, ಕುಣಿಯೋಣು ಬಾರಾ, ಯಾತಕವ್ವ ಹುಬ್ಬಳ್ಳಿ ಧಾರವಾಡ ನಮ್ಮೂರು ನಮಗ ಪಾಡ,ಅಳಿಯನ ಪತ್ರ ಬಂತು ಗೆಳೆಯನ ಅಕ್ಷರದಾಗ, ಅಂತರಂಗದ ಮೃದಂಗಾ ಅಂತು ತೊಂತು ತಾನನಾ.. ಪಾತರಗಿತ್ತಿ ಪಕ್ಕಾ, ನೀ ಹೀಂಗ ನೋಡಬ್ಯಾಡ ನನ್ನ, ಕುರುಡು ಕಾಂಚಾಣ, ರಾಗರತಿಯಾ, ಹೀಗೇ ಹಲವು ಕಾವ್ಯಗಳು ಇಂದಿಗೂ ಹೊಸ ಹುರುಪಿನಿಂದ ರಿಂಗಣಿಸುತ್ತವೆ.
ವೈಶ್ಯೆಯೊಬ್ಬಳು ತನ್ನ ಇನಿಯನನ್ನು ನೆನದು ಹಾಡುವ ಪರಿಯು, ಅವಳ ಭಾವದಲ್ಲೂ ಸಾಹಿತ್ಯಿಕ ಪರಿಭಾಷೆ ತುಂಬುವ ಅವರಾ ಯೋಚನಾಪರಿ,ಎಷ್ಟು ಅಮೋಘ, ಶುದ್ಧ!!
" ಇನ್ನೂ ಯಾಕ ಬರಲಿಲ್ಲವ್ವ ಹುಬ್ಬಳಿಯಾವಾ
ವಾರದಾಗ ಮೂರು ಸರತಿ ಬಂದು ಹೋಗಾಂವಾ"
ಎಲ್ಲರಲೂ ಶುದ್ಧ ಭಾವಕಾಣುವ ಕವಿ ಮನಸು ಬೇಂದ್ರೆ. ಬಡತನದ ಗರಗಸಕ್ಕೆ ಬದುಕು ವರೆಗಚ್ಚುತ ಬದುಕಿದವರು.
ಒಮ್ಮೆ ಬೇಂದ್ರೆಯವರ ಚಪ್ಪಲಿಯ ಅಂಗುಷ್ಟ ಕಿತ್ತಿತ್ತಂತೆ, ಚಪ್ಪಲಿ ಹೊಲೆಯುವನು " ಅಜ್ಜಾರ ಬಿಸಲಾಗ ನಿಂದ ಬ್ಯಾಡ್ರೀ , ಕೂಡರಿ ಅಂತ ತನ್ನ
ಸಣ್ಣ ಸ್ಟೂಲ ಸರಸಿದ.ಅದಕ್ಕೆ ಬೇಂದ್ರೆಯವರು
“ ಎಂತಹಾ ಬಿಸಲಾಗ ಕೂತಿ, ಛತ್ರಿ ಇಲ್ಲೇನೂ"
ಎಂದು ತನ್ನ ಛತ್ರಿ ಅವನ ತಲೆಗೆ ಅಡ್ಡಲಾಗಿ ಹಿಡಿದರು, ಹೆಂಡತಿ ಮಕ್ಕಳ ಬಗ್ಗೆ ಕೇಳಿ, ಚಪ್ಪಲಿ ಹೊಲೆಯುವದಾದಮೇಲೆ
" ಬಿಸಲಾಗ ಕುಂತ ಹೊಲಿಬ್ಯಾಡ, ಒಂದು ಛಲೋ ಛತ್ರಿ ತಗೋ, ನೀ ಅರಾಮಿದ್ರ ನಿನ್ನ ಪರಿವಾರ ನೂ ಅರಾಮಿರತದ, ದುಡಿಯುವ ಮನುಷ್ಯ ಗಟ್ಟಿರಬೇಕು, ಕೆಲಸ ಯಾವದರ ಇರಲಿ ಅದು ನಮ್ಮ ಹೊಟ್ಟಿಗೆ ಅನ್ನ ಕೊಡುವ ಕಾಯಕ, ಅದರ ಬಗ್ಗೆ ಗೌರವ ವಿರಬೇಕು"
ಹೀಗೆ ಹೇಳುತ್ತಾ ಛತ್ರಿಗೆ ☔ ಕಾಸು ಕೊಟ್ಟ ರಂತೆ.
ಹೀಗೇ ಎಲ್ಲೆಂದರಲ್ಲಿ ಸ್ನೇಹ ಬೆಳೆಸಿ, ಮನ ಮಿಡಿಯುವ ಕರುಣಾಮಯಿ ನಮ್ಮ ವರಕವಿ ಬೇಂದ್ರೆ.
ಇಂದು ಅವರ ಪುಣ್ಯ ತಿಥಿ ನಮಿಸೋಣು ಬಾರಾ.
🙏🙏
ಸಾಕ್ಷಿ ಶ್ರೀಕಾಂತ್ ತಿಕೋಟಿಕರ.
[31/01, 5:20 PM] Ratna K Madam: *ಸಾಧನ ಕೇರಿಯ ಸಾಧಕ ಬೇಂದ್ರೆಯಜ್ಜ*
ಸಾಧನಕೇರಿಯ ಸಾಧಕ ಗೌರವದ ಬೇಂದ್ರೆಯಜ್ಜ
ಕನ್ನಡ ಸಾಹಿತ್ಯ ಸತ್ವದಲಿ ಗೈದಿರಿ ಕಜ್ಜ
ಕನ್ನಡಮ್ಮನ ಮಡಿಲಲಿ ಪದಮಾಲೆಯ ಯಜ್ಞ
ಅಂಬಿಕೆ ರಾಮಚಂದ್ರರ ಹೆಸರ ಬೆಳಗಿದ ಮಹಾಪ್ರಾಜ್ಞ
ಅಂಬಿಕಾತನಯದತ್ತ ವರಕವಿ ದ.ರಾ.ಬೇಂದ್ರೆ ನಮ್ಮಜ್ಜ
ಬಡತನದ ಬವಣೆಯ ಕುಲುಮೆಯಲಿ ನೊಂದು ಬೆಂದಿರಿ
ಕೃಷ್ಣಕುಮಾರಿಯ ಹೊರತಂದು ನಾಕುತಂತಿಯ ಮೀಟಿದಿರಿ
ಉತ್ಕೃಷ್ಟ ಗರಿ ಜ್ಞಾನಪೀಠ ತಮ್ಮ ಮುಡಿಗೇರಿತು
ಪದ್ಮಶ್ರೀ ಜೊತೆಗೆ ಹಲವಾರು ಪ್ರಶಸ್ತಿ ಅರಸಿ ಬಂದಿತು
ಕವನದ ಸಾಲುಗಳಲಿ ನಿಜ ಜೀವನದ ಅಮೃತಧಾರೆಯಿತ್ತು
ಜಾನಪದ ದೇಸಿಯತೆ ಸರಳ ಪದಗಳ ಹಾದಿ ತೆರೆದಿಟ್ಟಿರಿ
ಆತ್ಮವಾಣಿಯ ಮಿಂಚಿನ ಸಂಚಾರ ಸತ್ಯಾಂಶ ಬರೆದಿರಿ
ಮಾತು ಮಂತ್ರ ಜೀವನ ಸ್ವತಂತ್ರ ಭಾವಗಳ ನೀಡಿದಿರಿ
ಮಾನವತಾವಾದಿ ಸಾಮಾಜಿಕ ಕಟ್ಟುಪಾಡುಗಳ ಬಿಂಬಿಸಿದಿರಿ
ಉಯ್ಯಾಲೆ ಗರಿ ನಾದಲೀಲೆಯಲಿ ಬೆಂದಷ್ಟೂ ಪಕ್ವತೆಯೆಂದಿರಿ
ಕಾಮಕಸ್ತೂರಿ ಗರಿ ಸೂರ್ಯಪಾನ ನಾದಲೀಲೆ ನೀಡಿದ ಸಾಹಸಿ
ನರಬಲಿಯಿಂದ ನಿಮಗಾಯಿತು ಹಿಂಸೆಯ ಸೆರೆಮಾನವಾಸ
ಇಳಿದು ಬಾ ತಾಯೇ ಜನಮಾನಸದಿ ಬೇರೂರಿತು
ಮೂಡಲ ಮನೆಯಲಿ ಮುತ್ತಿನ ತೋರಣ ಕಟ್ಟಿದಿರಿ
ಸಾಧನಕೆರೆ ನೆಚ್ಚಿನ ತಾಣ ಬೇಂದ್ರೆ ಅಜ್ಜನಿಗೆ ನಮನ🙏
*✍️ರತ್ನಾ ಕೆ.ಭಟ್,ತಲಂಜೇರಿ*
[31/01, 6:51 PM] +91 98455 68484: *ಬತ್ತದ ತೊರೆ ಸ್ನೇಹ ಬಳಗ,*
*ಕಾರಂತಜ್ಜನ ನೆರಳಿನಡಿಯಲ್ಲಿ..*
*( ಕಲೆ ಹಾಗೂ ಸಾಹಿತ್ಯ ವೇದಿಕೆ )*
➖➖➖➖➖➖➖➖➖➖➖
*ಆತ್ಮೀಯ ಕವಿಮನ ಬಂಧುಗಳೇ, ನಮಸ್ಕಾರ*
🌳🌹🌹🌹✍️🌹🌹🌹🌳✍️📝🍁
*ದಿನಾಂಕ : ೩೧/೦೧/೨೦೨೩ ಮಂಗಳವಾರ*
*ಕವನ ರಚನೆ*
*ವಿಷಯ : ನಾಕುತಂತಿ ಖ್ಯಾತಿಯ ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ದ.ರಾ ಬೇಂದ್ರೆ ಅವರ ಜನ್ಮದಿನದ ಅಂಗವಾಗಿ ಕವನ ರಚಿಸಿರಿ*
ಶೀರ್ಷಿಕೆ-ನಾಡಿನ ವರಕವಿ ದ.ರಾ.ಬೇಂದ್ರೆ...
ದ ರಾ ಬೇಂದ್ರೆ ಕನ್ನಡದ ಪ್ರಸಿದ್ಧ ಕವಿ
ಕಾದಂಬರಿಕಾರನು ಹೌದು ಈ ವರಕವಿ.
1896 ಜನೆವರಿ 31 ರಂದು ಧಾರವಾಡದಲ್ಲಿ ಜನನ
ಶಿಕ್ಷಕರಾಗಿ ಮಕ್ಕಳಿಗೆ ನೀಡಿದರು ಶಿಕ್ಷಣ.
ನಾಕುತಂತಿಗೆ ಜ್ಞಾನಪೀಠ ಒಲಿಯಿತು
ಜೊತೆಗೆ ಪದ್ಮಶ್ರೀ ಇವರ ಮುಡಿಗೇರಿತು.
ದತ್ತಾತ್ರೇಯ ರಾಮಚಂದ್ರ ಬೇಂದ್ರೆ ಪೂರ್ಣ ಹೆಸರು
ಕನ್ನಡ ಸಾಹಿತ್ಯಕ್ಕೆ ಇವರು ಅಜರಾಮರದ ಉಸಿರು.
ಶ್ರೀಯುತರ ಕಾವ್ಯನಾಮ ಅಂಬಿಕಾತನಯದತ್ತ
ನವೋದಯ ಸಾಹಿತ್ಯದತ್ತ ಇವರ ಚಿತ್ತ.
ನಂಬಿದರು ರಾಮಚಂದ್ರ ಅಂಬವ್ವ ಮನದ ದೇವರು
ಲಕ್ಷ್ಮೀಬಾಯಿಗೆ ಬೇಂದ್ರೆ ಪ್ರೀತಿಯ ಪತಿದೇವರು.
ಪ್ರಥಮ ಕವನ ಸಂಕಲನ ಕೃಷ್ಣಕುಮಾರಿ
ಹಲವು ಕವಿಗಳಿಗೆ ಇವರೇ ರೂವಾರಿ.
ಕನ್ನಡ ಸಾಹಿತ್ಯಕ್ಷೇತ್ರ ಶ್ರೀಮಂತಗೊಳಿಸಿದವರು
ಗೆಳೆಯರ ಗುಂಪು ಸಂಸ್ಥೆ ಕಟ್ಟಿದ ಧಾರವಾಡದ ಅಜ್ಜರು.
ಬ್ರಿಟಿಷರ ಕೆಂಗಣ್ಣಾಯಿತು ಗರಿ ಪುಸ್ತಕದ ನರಬಲಿ ಕವನ
ಇದಕ್ಕಾಗಿ ಅನುಭವಿಸಿದರು ಸೆರೆಮನೆಯಲ್ಲಿ ಕಷ್ಟವನ.
ಉತ್ತಮ ವಾಗ್ಮಿಯ ಉಪನ್ಯಾಸ ಜನರಿಗೆ ಹಿಗ್ಗು
ಕನ್ನಡದ ಜೊತೆಗೆ ಮರಾಠಿಯಲ್ಲೂ ಚಿಗುರಿತು ಸಾಹಿತ್ಯದ ಮೊಗ್ಗು.
ಅರಳು ಮರಳು,ಮುಗಿಲ ಮಲ್ಲಿಗೆ ಪ್ರಮುಖ ಕೃತಿಗಳು
ಮತ್ತೆ ಶ್ರಾವಣ ಬಂತು,ಒಲವೇ ಬದುಕು ನೆಚ್ಚಿನ ಕೃತಿಗಳು.
ಬೆಂದು ಬೆಂದು ಆದವರು ನಮ್ಮ ಬೇಂದ್ರೆ
ನೀ ಹಿಂಗ ನೋಡಬೇಡ ನನ್ನ ಎಂದರು ಬೇಂದ್ರೆ....
ಶ್ರೀ ಮುತ್ತು.ಯ.ವಡ್ಡರ (ಶಿಕ್ಷಕರು)
ಬಾಗಲಕೋಟ❤️❤️❤️
[31/01, 7:03 PM] Saroja Amaathi Mumbai: ಬತ್ತದ ತೊರೆ ಸ್ನೇಹ ಬಳಗದ ಸ್ಪರ್ಧೆಗಾಗಿ
ವಿಷಯ: ದ.ರಾ.ಬೇಂದ್ರೆ ಅವರ ಜನ್ಮದಿನದ ಅಂಗವಾಗಿ ಕವನ ರಚನೆ
*ವರಕವಿ*
ಮೇಘಧೂತನಿಗೊಂದು
ಓಲೆ ಬರೆದೆ ನಾನಿಂದು
ಮುತ್ತ ಹನಿಗಳಾಗಿಸಿ
ಮತ್ತೆ ಇಳೆಗಿಳಿಸಿ
ಕಳುಹಿಬಿಡು ಹಾಡುತ-ಪಾಡುತ
ಕವಿ ಅಂಬಿಕಾತನಯದತ್ತರ!
ಗರಿಗೆದರಿ ಹಾರುವ
ಹಕ್ಕಿಗಳಿಂಚರ ಮೂಡಿ
ನಾದಲೀಲೆಯಲಿ ತೂಗುಯ್ಯಾಲೆ ತೂಗಿ
ತುಂಬೊಲವಿನಿಂದಲಿ ಕೂಗಿ ಕರೆಯಿರಿ
ಮತ್ತೊಮ್ಮೆ ಹುಟ್ಟಿ ಬರಲೆಂದು
ನಮ್ಮೆಲ್ಲರ ಬೇಂದ್ರೆ
ಕನ್ನಡದ ಭುವನೇಶ್ವರಿ
ಹರಸು ನೀನೊಮ್ಮೆ
ಸುರಿಸಿ ಕಾವ್ಯ ಸುಧೆ
ಸರಿಸಿ ಸಾವೆಂಬ ಪರದೆ...
ಶ್ರಾವಣದ ಸೊಬಗೆಲ್ಲೆಡೆ ಹರಡುತ್ತ
ಮಗದೊಮ್ಮೆ ಜನಿಸಿ ಬರಲೆಂದು ನಮ್ಮೆಲ್ಲರ ಬೇಂದ್ರೆ
ಕರೆಯೋಲೆಯ ಕರೆಗೆ ಓಗೊಟ್ಟ ಮೇಘಧೂತ!,ಹಿಡಿಮಣ್ಣ ಗುಡಿಗಟ್ಟಿ ನಿಂತಂತ ಪಿಡಿದವರನ್ನು ನುಡಿಕಟ್ಟಿ ಕರೆಯುತ ನಾಕುತಂತಿಯ ಮೀಟುತ ಬಂದರದೋ ದಿಗಂತದಿಂದಾಚೆಯಿಂದ ಮಿಂಚುತ್ತ 'ವರಕವಿ' ನೇಸರನ ಕೈ ಕುಲುಕುತ್ತ!
ಸರೋಜಾ ಎಸ್.ಅಮಾತಿ,ಮುಂಬೈ
[31/01, 7:24 PM] Mahendra Kurdi Sir: *ಅಂಬಿಕಾತನಯದತ್ತ*
*ಅಂ* ಅಂತರಾಳದ
*ಬಿ* ಬಿರು ನುಡಿಗಳನು
*ಕಾ* ಕಾವ್ಯ ಧಾರೆ ಮುಖೇನ
*ತ* ತತ್ವ ಸಿದ್ಧಾಂತದ
*ನ* ನವಿರಾದ ನೇರ ನುಡಿಗಳ
*ಯ* ಯತಿ ಯಾಗಿ
*ದ* ದ.ರಾ ಬೇಂದ್ರೆ ಎಂಬ
*ತ್ತ* ತನು ಉದಯಿಸಿ
ಜ್ಞಾನಪೀಠ ಅಲಂಕರಿಸಿ
ಕಾವ್ಯ ಲೋಕ ಬೆಳಗಿ ,
ಸಾಹಿತ್ಯ ಸಿರಿಯ ಉಣಿಸಿ
ಧ್ರುವತಾರೆಯಾಗಿ ಮಿನುಗಿ.
ನಾಕುತಂತಿಯ ನಾಡಿ ಮಿಡಿಸಿದ
ಸಾಧನಕೇರಿಯ ಸರದಾರ,
ಭಾವನೆಗಳಿಗೆ ಜೀವ ತುಂಬಿದ
ಮಹಾ ಚೇತನ.
ಕನ್ನಡದ ವರಕವಿ
ಕರುನಾಡ ಮುಕುಟ ಮಣಿ
ನಮ್ಮ ಬೇಂದ್ರೆ ಅಜ್ಜನಿಗೆ
ಹೃತ್ಪೂರ್ವಕ ನಮನಗಳು.
*ಎಲ್ಲರಿಗೂ ವರಕವಿ ಬೇಂದ್ರೆ ಅವರ ಜನ್ಮದಿನದ ಹಾರ್ದಿಕ ಶುಭಾಶಯಗಳು🙏🏻🙏🏻💐💐🙏🏻🙏🏻*
✍🏻 ಮಹೇಂದ್ರ ಕುರ್ಡಿ
[31/01, 7:41 PM] ಕೊಟ್ರೇಶ ಜವಳಿ: *ಬತ್ತದ ತೊರೆ ಸ್ನೇಹ ಬಳಗ,*
*ಕಾರಂತಜ್ಜನ ನೆರಳಿನಡಿಯಲ್ಲಿ..*
*( ಕಲೆ ಹಾಗೂ ಸಾಹಿತ್ಯ ವೇದಿಕೆ )*
*ದಿನಾಂಕ : ೩೧/೦೧/೨೦೨೩ ಮಂಗಳವಾರ*
**ಶೀರ್ಷೀಕೆ*:--ಬೇಂದ್ರೇ ಮಾಸ್ತಾರ
(ನಮ್ಮ ಮುತ್ಯಾ ಅಂವ)
*ವಿಷಯ : ನಾಕುತಂತಿ ಖ್ಯಾತಿಯ ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ದ.ರಾ ಬೇಂದ್ರೆ ಅವರ ಜನ್ಮದಿನದ ಅಂಗವಾಗಿ ಕವನ ರಚನೆ*
**ಸ್ಪರ್ಧೆಗಾಗಿ*
ಭಾರಿ ತೂಕದ ರುಮಾಲು
ಸುತ್ತಾವ,
ಅಷ್ಟೆ ತೂಕದ ಕವಿ,
ತೂಕದ ಸಾಹಿತ್ಯಾ,
ತೂಕದ ವ್ಯಕ್ತಿತ್ವ,
ಹೊದ್ದಾಂವ,
ಸಾಧನಕೇರಿ ಕಾರಕೂನ,!
ಒಲೆ ಹೊತ್ತದಿದದ್ದರೂ
ಮನೆಗೆ ಬಂದವರಿಗೆ,
ಅನುಭಾವದಡುಗೆಯ,
ಮಾಡಿಸಿ ಉಣ್ಣಿಸಿದಂವ
ನಮ್ಮ ಮುತ್ಯಾ,!
ದುಃಖಿತ ಜನ ಮನೆಗೆ ಬಂದರೆ,
ನಗುವಿನ ನವಿಲು ಹಾರಿಸಿ
ಸಂತೈಸಿದಾಂವ,
ಕುಣಿಸಿದಾಂವ
ನಲಿಸಿದಾಂವ,
ನಮ್ಮ ಮುತ್ಯಾ,!
ನಕ್ಕು ಸಾಯ್ರೇೂ,
ನಕ್ಕು ಸತ್ರ ನಕ್ಷತ್ರ
ಆಕೀರಿ ಅಂದಾಂವ,
ಸರಸ ಜನನ
ವಿರಸ ಮರಣ
ಸಮರಸವೇ ಜೀವನ
ಅಂದಾಂವ,
ನಮ್ಮ ಮುತ್ಯಾ,!
ಒಮ್ಮೊಮ್ಮೆ ಟೂಪ್ಪಿಗೆ
ಹಾಕಾಂವ ತೆಲಿಮ್ಯಾಗ,
ಯಾಕೇೂ ಯಜ್ಜ ಟೊಪ್ಪಿಗಿ ಹಾಕಿ ಅಂದ್ರ,
ನಾ ಹಾಕೇೂಲಿಲ್ಲಂದ್ರ
ಹಾಕೇೂರು ಬಾಳ್
ಮಂದಿ ಅದಾವ್ರು
ಅನ್ನಾಂವ,
ನಮ್ಮ ಅಜ್ಜ,!
ಹೆಂಗ್ ಕಲಿತೇೂ ಯಜ್ಜ
ಈ ಕವನ ಬರಿಯೇೂದ್
ಅಂತ ಕೇಳಿದ್ರ,ಅಂವ ಹೇಳಾವ,
ಬಡತನ ಅನ್ನೇೂ ಮಾಸ್ತಾರ ಕೈಯಾಗ
ಬಾಳ್ ದಿನಾ ಕಲ್ತೀನೇೂ
ಬರಿಲಿಲ್ಲಾಂದ್ರ ಕೇಳಂಗಿಲ್ಲಂವ
ಅನ್ನಾಂವ,
ನಮ್ಮ ಮುತ್ಯಾ,!
ನಾಕು ತಂತಿ ಮೀಟಿದಾಂವ,
ಜ್ಞಾನಪೀಠ ಏರಿದಾಂವ,
ಮುಗಿಲ ಮಾರಿಗೆ
ರಾಗ ತೇೂರಿದಾಂವ,
ಹುಬ್ಬಳ್ಳಿ ಯಾಂವ
ವಾರದಾಗ ಮೂರು ಸತಿ
ಬಂದು ಹೇೂಗಾಂವ,
ನಮ್ಮ ಮುತ್ಯಾ,!!
ಕುರುಡು ಕಾಂಚಾಣ
ಮೆಚ್ಚದಾಂವ,
ನೇೂವು ನಲಿವು ಗಳನ್ನು
ಒರೆಗೆ ಹಚ್ಚಾಂವ,
ಬಡತನವ ಕಂಡು
ಮರಗಾಂವ
ಕೊರಗಾಂವ,
ನಮ್ಮಜ್ಜ,!!
ಮರಣಕ್ಕೂ ಶಾಸನ ಬರದಾಂವ,
ನಾ ಇರೇೂತನಕ ಅದು ಬರಾಂಗಿಲ್ಲ,
ಅದು ಬಂದಾಗ ನಾ ಇರೇೂದಿಲ್ಲ
ಅಂದಾಂವ,
ನಮ್ಮ ಮುತ್ಯಾ,!!
ನಮ್ಮ ಅವ್ವ ಅಂಬವ್ವ
ನಾ ಅವಳ ಮಗ ದತ್ತ
ಹೀಗಾಗಿ ನನ್ನ ಕಾವ್ಯನಾಮ,
ಅಂಬಿಕಾತನಯ ದತ್ತ
ಅನ್ನಾಂವ,
ನಮ್ಮ ಮುತ್ಯಾ,!
ಮುತ್ತ್ಯಾ ರೀ ನಿಮ್ಮ ಬಗ್ಗೆ
ಬರೆಯಲು,ಒಂದು ದಿನ/
ತಿಂಗಳು/ ವರುಷ/ ಯುಗ,ಸಾಕಾಗೇೂದಿಲ್ಲ,
ಬರ್ಕೇೂಂತ ಹೇೂದ್ಹಂಗೆಲ್ಲಾ,
ಬೆಳಕೇೂತ ಹೇೂಗ್ತಿ ನೀ,
ನನ್ಗ ಇಷ್ಟಕ್ಕ ಸುಸ್ತಾಗೈತಿ,
ಕ್ಷಮೆ ಇರಲಿ ಮುತ್ಯಾ,
**ಕೇೂಟ್ರೇಶ ಜವಳಿ**
ಹಿರೇವಡ್ಡಟ್ಟಿ
[31/01, 7:57 PM] Jayanthi Kannukere: ಬತ್ತದ ತೊರೆ ಸ್ನೇಹ ಬಳಗ,
ಕಾರಂತಜ್ಜನ ನೆರಳಿನಡಿಯಲ್ಲಿ..
(ಕಲೆ ಹಾಗೂ ಸಾಹಿತ್ಯ ವೇದಿಕೆ)
ದಿನಾಂಕ:೩೧/೧/೨೩.
ಮಂಗಳವಾರ.
ಕವನ ರಚನೆ ಸ್ಪರ್ಧೆ
ವಿಷಯ
ನಾಕುತಂತಿ ಖ್ಯಾತಿಯ ಜ್ಞಾನ ಪೀಠ ಪ್ರಶಸ್ತಿ ಪುರಸ್ಕೃತ ದ ರಾ ಬೇಂದ್ರೆ ಅವರ ಜನ್ಮದಿನದ ಅಂಗವಾಗಿ
ಶೀರ್ಷಿಕೆ
*ಕನ್ನಡದ ಕೀರ್ತಿ ಕಳಸ*
ಸಾಧನಕೇರಿಯೇ ಶಾಂತಿನಿಕೇತನ,
ಕನ್ನಡ ಸಾಹಿತ್ಯದ ಕಾವ್ಯ ಕಥನ,
ಸ್ವಾತಂತ್ರ್ಯಕಾಗಿ ನರಬಲಿ ಕವನ,
ಬೆಳಗಿನ ಕವನಕೀಗ ಶತಮಾನ.
ವಿಶ್ವಮಾನ್ಯತೆಯ ಕನ್ನಡ ಕೂಟ,
ಸಾವಿರ ಸಾವಿರ ಕವನಗಳ ನೋಟ,
ಸಾಹಿತ್ಯ ಸರದಾರರ ನಾಗಾಲೋಟ,
ಪಾಠದ ಜೊತೆಗೆ ಸಾಹಿತ್ಯದೂಟ,
ಮಹರ್ಷಿ ಅರವಿಂದರ ಪ್ರಭಾವ,
ಆಧ್ಯಾತ್ಮದಲಿ ಪಡೆದ ಅನುಭಾವ,
ಸುಲಲಿತ ಕನ್ನಡದ ಭಾಷಾಭಾವ,
ಯುವಕವಿಗಳಿಗೆ ತುಂಬುತ ಜೀವ.
ನಾಕುತಂತಿಯ ಮೀಟಿದ ಅಜ್ಜಗೆ,
ಜ್ಞಾನಪೀಠದ ಹೆಮ್ಮೆಯ ಕೊಡುಗೆ,
ಪದ್ಮಶ್ರೀಯು ಅಂಬಿಕಾತನಯಗೆ,
ಹಲವಾರು ಪ್ರಶಸ್ತಿಗಳು ವರಕವಿಗೆ.
ನಗುತ ಬಾಳುವ ನೀತಿಯ ಕಲಿಸಿ,
ನಗೆ ಚಟಾಕಿಯ ಮಾತಲಿ ಇರಿಸಿ,
ನಕ್ಕರೆ ನಕ್ಷತ್ರವೇ ಎಂದೆಣಿಸಿ,
ಭಾಷಣಕಲೆಯ ಭೂಷಣನೆನಿಸಿ.
ಧಾರವಾಡದ ಅಮೃತ ಧಾರೆ,
ಕರುನಾಡಿನ ಬತ್ತದಾ ತೊರೆ,
ಬಯಸಿದ ಭುವನೇಶ್ವರಿಯ ತ್ವರೆ,
ಮರಳಿಬಾರನೇ ಆಲಿಸಿ ಮೊರೆ.
ಜಯಂತಿ ಕನ್ನುಕೆರೆ.
[31/01, 8:06 PM] Hamsika shetty: ಬತ್ತದ ತೊರೆ ಸ್ನೇಹ ಬಳಗ ಸ್ಪರ್ಧೆಗಾಗಿ
ವಿಷಯ _ದ ರಾ ಬೇಂದ್ರೆ
ಬೇಂದ್ರೆ ನುಡಿನಮನ
ಕನ್ನಡದ ನೇಸರ
ಸಾಹಿತ್ಯದ ಆಗರ
ನಾಕುತಂತಿಯ ಸರದಾರ
ಅಂಬಿಕೆಯ ಕುವರ....
ಧಾರಾವಾಡದ ಮಣ್ಣಿನಲ್ಲಿ
ಜನಿಸಿದ ದ್ರುವತಾರೆ
ನೋವು ನಲಿವಿನಲಿ ಬೆಸೆದ
ಕನ್ನಡದ ಜೀವಧರೆ.....
ಬಾಳ ಅನುಭವದ ಗರಡಿಯಲಿ
ಅಕ್ಷರ ರೂಪದ ಸಾಹಿತ್ಯ
ಗರಿ ,ನಾದಲೀಲೆ , ಉಯ್ಯಾಲೆ
ತೋರಿದ ಸಾಹಿತ್ಯ ವಿರಾಟ್ ಸ್ವರೂಪ
ಸಾಧನಕೇರಿಯ ಮಡಿಲಿನಲ್ಲಿ
ನೇರ ದಿಟ್ಟ ಬರಹಗಳಲ್ಲಿ
ಪ್ರಶಸ್ತಿ ರೂಪದ ಪ್ರಶಂಸೆ
ಜ್ಞಾನಪೀಠ ಕಿರೀಟದ ಜೀವಂತಿಕೆ
ನವೋದಯ ಕಾಲದ ಚಿಂತನೆ
ನವ ಭಾಷ್ಯಬರಹದ ಯೋಚನೆ
ಕವಿ ವಾಗ್ಮಿ ಕಲೆಯೇ ಉಸಿರು
ಕನ್ನಡಮ್ಮನ ಮಡಿಲೇ ತವರು...
ಬೆಂದು ಬೆಂದ ಕವಿ
ಕನ್ನಡದ ವರಕವಿ
ಬೇಂದ್ರೆ ಎಂಬ ಹೆಸರಿನ
ಉನ್ನತ ಮಹರ್ಷಿಗೊಂದು ನುಡಿನಮನ
ಹಂಸರಾಗ ಶೆಟ್ಟಿ...
[31/01, 8:10 PM] Walvekar Sir: ಸ್ಪರ್ಧೆಗಾಗಿ.......
ವಿಷಯ : *ನಾಕುತಂತಿ ಖ್ಯಾತಿಯ ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ದ.ರಾ.ಬೇಂದ್ರೆ ಅವದ ಜನ್ಮದಿನದ ಅಂಗವಾಗಿ ಕವನ ರಚನೆ*
೩೧/೦೧/೨೩....ಸೋಮವಾರ
..................................................
ಶೀರ್ಷಿಕೆ : ಭಾವಾಂತರಂಗದ ಖುಷಿ
ಅಂಬವ್ವನ ಮಗನಾಗಿ ಹುಟ್ಟಿದ ಅವನಂದು
ಗುರುತಿರಲಿಲ್ಲಾ ಅವನು ಜ್ಞಾನಪೀಠ ಪಡೆಯುತ್ತಾನೆಂದು
ಸಾಧನಕೇರಿಯ ಈ ಸಾಧಕ
ಸರಳತೆಯ ಪ್ರತೀಕ........
ಕವನದಲಿ ಇವನ ಪರಕಾಯ ಪ್ರವೇಶ
ಅನುಭವದ ವಾಸ್ತವಿಕ ಕಳಸ
ಬಿಚ್ಚಿಟ್ಟರು ಇವರು ಕನ್ನಡದ ಹೊನ್ನ ಕಳಸ
ಕನ್ನಡದ ಆ ರಸ ಋಷಿಯ ಭಾವಾವೇಶ......
ಶಬ್ದಗಾರುಡಿಗ ಎಂಬ ಬಿರುದು ಪಡೆದ
ಶಬ್ದಗಳ ಜೊತೆ ಸರಸವಾಡಿದ
ಕವನಗಳ ಮೇಲೆ ಕವನ ಬರೆದ
ನಲಿದಾಡುವ ಸಾಹಿತಿ ಇವನಾದ.....
ಮನಸಿನೊಳಗೆ ಮೂಡಿದ ಭಾವನೆಗೆ
ಕವನದ ರೂಪ ನೀಡಿ
ಭಾವಾಂತರಂಗವನು ಕೆದಕುವ ಕವಿ ಇವನು
ಕನ್ನಡದ ತೇರಿಗೆ ಹೊನ್ನ ಕಳಸನಿವನು......
ಕನ್ನಡ ತಾಯಿಯ ಅಕ್ಷರ ಪುತ್ರ
ನಾಲ್ಕು ದಿಕ್ಕುಗಳಲಿ ನಿನ್ನ ಚಾರಿತ್ಯ್ರ
ಕವನದ ಹಸಿವನು ಇಂಗಿಸು ನೀ ಪವಿತ್ರ
ಭಾರತಾಂಬೆಯ ಹೆಮ್ಮೆಯ ಪುತ್ರ
ಶ್ರೀ ನರೇಂದ್ರ ನಾ,ವಾಳ್ವೇಕರ
ರಾಮದುರ್ಗ.......
ಗೂಗಲ್ ಇಮೇಜಇಮೇಜ್
[31/01, 8:21 PM] Dr. Sumathi P: *ಬತ್ತದ ತೊರೆ ಸ್ನೇಹ ಬಳಗ,*
*ಕಾರಂತಜ್ಜನ ನೆರಳಿನಡಿಯಲ್ಲಿ..*
*( ಕಲೆ ಹಾಗೂ ಸಾಹಿತ್ಯ ವೇದಿಕೆ)
*ದಿನಾಂಕ : ೩೧/೦೧/೨೦೨೩ ಮಂಗಳವಾರ*
*ಕವನ ರಚನೆ*
*ವಿಷಯ : ನಾಕುತಂತಿ ಖ್ಯಾತಿಯ ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ದ.ರಾ
ಬೇಂದ್ರೆ ಅವರ ಜನ್ಮದಿನದ ಅಂಗವಾಗಿ ಕವನ ರಚಿಸಿರಿ
**ಶೀರ್ಷಿಕೆ: ಸಾಹಿತ್ಯ ಲೋಕದ ಧ್ರುವತಾರೆ**
ಅದ್ಬುತ ಕವನ ರಚನೆಯ ಮೂಲಕ
ಪ್ರೀತಿ ಪ್ರೇಮವ ಮೂಡಿಸಬಲ್ಲವನು
ಒಲವೇ ನಮ್ಮ ಬದುಕು ಎನ್ನುತ್ತಾ
ಉತ್ಸಾಹ ಚಿಲುಮೆ ಉಕ್ಕಿಸಬಲ್ಲವನು
ನೊಂದ ಜೀವಕ್ಕೆ ಸಾಂತ್ವನ ನೀಡಬಲ್ಲ
ಸಾಹಿತ್ಯ ಲೋಕದ ಅನರ್ಘ್ಯ ರತ್ನನಿವನು
ರಸವೇ ಜನನ,ವಿರಸವೇ ಮರಣ ಸಮರಸ
ಜೀವನವೆನ್ನುತ್ತ ಪಡೆದನು ಸಾರ್ಥಕ್ಯವನು
ತನ್ನ ಸಾಹಿತ್ಯದ ನುಡಿಗಳಿಂದ ಜಗದಲಿನ
ಜನರ ನಾಡಿಯನ್ನು ನಿತ್ಯ ಮಿಡಿದವನು
ಯುಗದಕವಿ,ಜಗದಕವಿ ,ದಾರ್ಶನಿಕ ಬೇಂದ್ರೆ
ಸಾಹಿತಿಗಳಿಗೆ ಸ್ಫೂರ್ತಿಯ ಸೆಲೆಯಾದವನು
ಬೆಳಗು ಕವನದ ಮೂಲಕ ದ.ರಾ .ಬೇಂದ್ರೆ
ಮೂಡಲ ಮನೆಯಲಿ ಬೆಳಕು ಬೀರಿದವನು
ಪಾತಾರಗಿತ್ತಿ ಪಕ್ಕ,ನೋಡಿದ್ಯೇನೆ ಅಕ್ಕ ಪದ್ಯದಿ
ಮಕ್ಕಳ ಮುಗ್ಧ ಮನವನು ಸೆಳೆದವನು
ಜ್ಞಾನಪೀಠ ಪ್ರಶಸ್ತಿಯನು ತಂದುಕೊಟ್ಟ ಕೃತಿ
ಬರೆದರು ಬೇಂದ್ರೆಯವರು ನಾಕುತಂತಿಯನು
ಭಕ್ತಿ ಮಾಧುರ್ಯದಲಿನ ಪ್ರೇಮಶಕ್ತಿಯು
ಗೆಲ್ಲುವುದು ಕೋಟಿಕನ್ನಡಿಗರ ಮನವನು
ಡಾ.ಸುಮತಿ ಪಿ
[31/01, 8:26 PM] +91 87225 56136: ಕವನವಾಗು ಬಾ ಭಾವವೇ
ನಗುವ ಮುಖದೊಳಗೊಂದು ಅಳುವ ಮಗುವಿನ ಛಾಯೆ
ಹಗಲರಳಿ ಬೀಗಿರಲು ಒಂಟಿ ರಾತ್ರಿಯ ಮಾಯೆ
ಮೂಲೆಯೊಳಡಗಿದ ಕಸದಂತೆ ನಲುಗದಿರು ಓ ಮನವೇ
ಮಾತು ಮೌನವ ಮೀರಿ ಕವನವಾಗು ಬಾ ಭಾವವೇ..
ಜಗದಗಲ ಅನವರತ ಕನಸುಗಳು ಓಡುತಿವೆ
ಹೆಗಲೊಳೆತ್ತಿದ ಭಾರ ಇಡಲೆಲ್ಲಿ ಜಾಗವಿದೆ?
ಮೆದುವೊಮ್ಮೆ ಹದವೊಮ್ಮೆ ಗಡಸುತನ ನಡುನಡುವೆ
ಬಿಗುಮಾನ ತೊರೆಯುತಲಿ ಕವನವಾಗು ಬಾ ಭಾವವೇ...
ಹಿಂದು ಮುಂದಿನ ತವಕ,ಇಂದು ನಾಳೆಯ ಪುಳಕ
ಬಂಧಗಳ ತಕಧಿಮಿತ, ಗಂಧಗಳೆಡೆಗಿನ ಸೆಳೆತ
ಸಂಧಿಯಲಿ ಕಳೆದ್ಹೋದ ಅತ್ಯಾಪ್ತ ಒಲವೇ
ಸಂಭವಿಸು ಮತ್ತೊಮ್ಮೆ ಕವನವಾಗು ಬಾ ಭಾವವೇ...
ವಿದ್ಯಾಶ್ರೀ ಅಡೂರ್
ಮುಂಡಾಜೆ
[31/01, 8:28 PM] I F Malagi Sir: ಭತ್ತದ ತೊರೆ ಸ್ನೇಹ ಬಳಗ ಕವನ ಸ್ಪರ್ಧೆಗೆ.
🌸 ರಾಷ್ಟ್ರಕವಿ ದ.ರಾ.ಬೇಂದ್ರೆ 🌸
ಕನ್ನಡ ನಾಡಿನ ಕನ್ನಡ ಕಂಪಿನ ಕುಸುಮ ಅರಳಿತ್ತು..
ಸಾಧಕೇರಿಯಲಿ ಕನ್ನಡ ಸಾಹಿತ್ಯದ
ಸೂಸು ಗಂಧ ಹರಡಿತ್ತು..
ಆಡು ಭಾಷೆಯಲಿ, ಕನ್ನಡ ಭಾಷೆ ಅಂಗೈಯಲ್ಲಿ ಅರಳಿತ್ತು..
ಕನ್ನಡಿಗರ ಮನ ಮನ ದಲ್ಲಿ ನಲಿದಿತ್ತು
ಕರುನಾಡಲಿ ಸಿರಿನಾಡಲ್ಲಿ ಕನ್ನಡದ ಕಂಪ ಹರಡಿತ್ತು..
ನಾಕುತಂತಿ ನಾಡಿಗರ ಹೃದಯದಲಿ ಮೀಟಿ ಮೀಟಿ ಮೊಳಗಿತ್ತು..
ಕನ್ನಡಿಗರ ತನುಮನ ಕುಣಿದಿತ್ತು.
ಸಾಹಿತ್ಯಕೆ ಜ್ಞಾನಪೀಠ ದೊರಕಿತ್ತು..
ಭರತ ಭೂಮಿಯಲಿ ಕನ್ನಡದ ಕೀರ್ತಿ ಮೊಳಗಿತ್ತು..
ಕನ್ನಡಮ್ಮನ ಕೀರ್ತಿ ಪತಾಕೆ ರಾಷ್ಟ್ರದಲ್ಲಿ ಹಾರಿತ್ತು..
ಬೇಂದ್ರೆ ಅಜ್ಜನ ಸಾಹಿತ್ಯ
ಕನ್ನಡ ರಾಗದಲಿ ನಾಲಿಗೆ ಮೇಲೆ ಕುಣಿದಿತ್ತು
ಹೊಸ ರೂಪ ಹೊಸ ಭಾವದಲ್ಲಿ ಅರಳಿ ಕಂಪ ಹರಡಿತ್ತು..
ವರಕವಿ ಮಹಾಕಾವಿ ರಾಷ್ಟ್ರ ಕವಿಯಾದರೂ..
ಬದುಕು ಜಟಕಾ ಬಂಡಿ ವಿಧಿ ಅದರ ಸಾಹೇಬ ಎಂದರು.
ಬದುಕು ಕಲುಸಿದ ಪಾಠದಲಿ ಹೃದಯ ಶ್ರೀಮಂತರಾದರು..
ಸುಖ ದುಖ್ಖದಲ್ಲಿ ನಗುನಗುತ ಬಾಳಿ ಬದುಕಿದರು..
ಬದುಕಲಿ ಹ್ಯಾಂಗ್ ಬದುಕ ಬೇಕು ಎಂಬ ಪಾಠ ಕಲಿಸಿದರು..
ಬಾಳಿನ ಕಡಲಾಗ ಬದುಕ ಮುಳಿಗಿಸ ಬೇಡ ಎಂಬ ಸಾರ..ಉಣಬಡಿಸಿ ಕನ್ನಡ ವರ ಕವಿಯಾದರು..
🌸ಡಾ. ಇಮಾಮ. ಮಳಗಿ. ಶಿಕಾರಿಪುರ.
[31/01, 8:29 PM] Shankar Kulal Teacher: ಬೇಂದ್ರೆ ಜನ್ಮದಿನ - ಸ್ಪರ್ಧೆಗಾಗಿ
ಶೀರ್ಷಿಕೆ - ವರಕವಿ ಬೇಂದ್ರೆ
ಶಾರದೆಯ ದಯದಿಂದ ಕನ್ನಡದ ನೆಲದಲ್ಲಿ
ಹುಟ್ಟಿ ಬಂತೊಂದು ಪುಣ್ಯದ ಮುತ್ತು
ಕವಿಗಳ ಕಡಲಿಂದ ಸಾರಸ್ವತ ಲೋಕಕೆ
ಬಂತೊಂದು ಅಪರೂಪದ ಕವಿಮಣಿಯು||
ಗೀತಮಯ ಜನಪದ ಸಂಗೀತಮಯ
ಭಾವಮಯ ನಾದವು ಕರುಣಾಮಯ
ಚೆಲುವಿನ ಸುಂದರ ಪಾತರಗಿತ್ತಿಯು
ನುಡಿಸಲು ಕಾವ್ಯದ ಗುಂಜಾರವನು||
ಚಿಣ್ಣರಿಗಾಗಿ ಕರಡಿಯ ಕುಣಿಸುತ
ಪ್ರೇಮಿಗಳೆದೆಯಲಿ ಮೇಘದೂತ
ಆಂಗ್ಲರ ವಿರೋಧ ನರಬಲಿಯಲ್ಲಿ
ನಾದಲೀಲೆಯ ತೋರುತ ಬೀರುತ||
ಗಂಗಾವತರಣದ ಅದ್ಭುತ ಚೆಲುವು
ಅರಳು ಮರುಳಿಗೆ ಬಿರುದು ಸಂಮಾನ
ವರಕವಿಯೆಂದು ಭೂಷಿತ ಬೇಂದ್ರೆ
ಮರೆಯಲುಂಟೆ ಧಾರವಾಡದೀ ಅಜ್ಜನ||
ತಾಯಿ ಅಂಬಮ್ಮನ ಮರೆಯದೆ ಎಂದೂ
ಕಾವ್ಯನಾಮದಿ ಅಂಬಿಕಾತನಯದತ್ತ ನಾದರು
ನಾಕು ತಂತಿಯ ಮೀಟಿ ರಾಗ ಭಾವದಿ
ಜ್ಞಾನಪೀಠವ ಪಡೆದ ವರಕವಿಯಿವರು||
ಶಂಕರ ಕುಲಾಲ ಪರ್ಕಳ
ಉಡುಪಿ ತಾಲೂಕು ಮತ್ತು ಜಿಲ್ಲೆ.
[31/01, 8:31 PM] +91 91641 49065: ಬತ್ತದ ತೊರೆ ಸ್ನೇಹ ಬಳಗ,
ಕಾರಂತಜ್ಜನ ನೆರಳಿನಡಿಯಲ್ಲಿ..
(ಕಲೆ ಹಾಗೂ ಸಾಹಿತ್ಯ ವೇದಿಕೆ)
ದಿನಾಂಕ:೩೧/೧/೨೩.
ಮಂಗಳವಾರ.
ಕವನ ರಚನೆ ಸ್ಪರ್ಧೆ
ವಿಷಯ
ನಾಕುತಂತಿ ಖ್ಯಾತಿಯ ಜ್ಞಾನ ಪೀಠ ಪ್ರಶಸ್ತಿ ಪುರಸ್ಕೃತ ದ ರಾ ಬೇಂದ್ರೆ ಅವರ ಜನ್ಮದಿನದ ಅಂಗವಾಗಿ
ಶೀರ್ಷಿಕೆ
*ಅನನ್ಯ ರತ್ನ*
ಕರುನಾಡಿನ ಶ್ರೇಷ್ಠ ಕವಿಗಳಲೊಬ್ಬರು
ವರಕವಿ ದ. ರಾ. ಬೇಂದ್ರೆ ಯವರು
ಕಾವ್ಯಕ್ಕೆ ಪ್ರೇರಣೆ ನೀಡಿತು ಸಾಧನ ಕೇರಿ
ಮುಡಿಗೇರಿಸಿತು ಪ್ರಶಸ್ತಿಗಳ ಗರಿ
ಕೃಷ್ಣಕುಮಾರಿ ಗರಿ ಸಖೀಗೀತ
ಕವನ ಸಂಕನಗಳ ಒಡಲಸುತ
ಹುಚ್ಚಾಟ ಹೊಸ ಸಂಸಾರ
ಸುಂದರ ನಾಟಕದ ಸೂತ್ರಧಾರ
ಬಣ್ಣಿಸಿದರು ನಿಸರ್ಗದ ಭವ್ಯತೆ
ಸವಿದೆವು ಆನಂದದ ದಿವ್ಯತೆ
ಅರಳು ಮರಳಿಗೆ ಪದ್ಮ ಭೂಷಣ
ಕಂಬನಿ ಬರಿಸಿದ ಮೌನ ಪಯಣ
ವಿದ್ಯೆ ಕಲಿಸಿದ ಗುರುವು
ನೋವುಂಡ ಮನವು
ಬ್ರಿಟಿಷರ ವಿರುದ್ಧ ನಿಂತ ಪರಿ
ಜೈಲು ಕಂಬಿಗಾದರು ಗುರಿ
ಜ್ಞಾನಪೀಠ ಬಂತು ನಾಕುತಂತಿಗೆ
ಅದುವೇ ಕರ್ನಾಕದ ಸಿರಿವಂತಿಗೆ
ಸಾಹಿತ್ಯದ ವಿರಾಟ ಸ್ವರೂಪ
ಧಾರವಾಡದ ಅನರ್ಘ್ಯ ರತ್ನದೀಪ
- ಶೋಭಾ ದಿನೇಶ್ ಉದ್ಯಾವರ
[31/01, 8:32 PM] Vijaya G. Madam Wrtr: ಬತ್ತದ ತೊರೆ ಸ್ನೇಹ ಬಳಗ
ದ ರಾ ಬೇಂದ್ರೆಯವರ ಜನ್ಮ ದಿನದ ನಿಮಿತ್ತ ಕವನ ರಚನೆ
****************************
ವರಕವಿ
****************************
ಕಾವ್ಯ ಪ್ರತಿಭೆಯಲಿ ಜಗವ ಸೆಳೆಯಿತು
ಧಾರವಾಡದ ಸಾಧನಕೇರಿಯು
ಶ್ರಾವ್ಯ ಕವನದ ನಾಕುತಂತಿ ಮೀಟಲು
ಹಾರವಾಯ್ತು ಜ್ಞಾನಪೀಠದ ಸಿರಿಯು
ಬಡತನಕೆ ಸವಾಲಾಗಿ ನಿಂತವರೇ
ನೊಂದು ಬೆಂದು ಬೆಂಡಾದ ಬೇಂದ್ರೆ
ಕಡೆತನಕ ಸಾಧನೆಯ ಹಾದಿಯಲ್ಲಿ
ಮಿಂದು ಕೊಟ್ಟರು ಸಾಹಿತ್ಯದ ಮುದ್ರೆ
ರಸವೇ ಜೀವನ ವಿರಸವೇ ಮರಣ
ಸಮರಸದಲ್ಲಿದೆ ಸಂತಸದ ಜೀವನ
ಖುಷಿಯನ್ನು ಬಿತ್ತರಿಸಿದರು ವರಕವಿ
ತಮವಡಗಿಸಿದ ಶಬ್ಧ ಗಾರುಡಿಗ
ಮಾತಿನಲ್ಲಿತ್ತು ಮಾಂತ್ರಿಕತೆಯ ಮೋಡಿ
ಅಂಬಿಕಾತನಯರ ಬಾಳ ವೈಖರಿ
ಛಾತಿಯಲಿ ಬರೆದರವರು ನರಬಲಿ
ಕಂಬಿಯೊಳಗೂ ದಿಟ್ಟತೆಯ ತೋರಿ
ಬಾಗಲಿಲ್ಲ ಬೀಗಲಿಲ್ಲ ಸರಳ ಬದುಕು
ಕಂಡದ್ದು ಕಂಡಂತೆ ನುಡಿವ ಶುದ್ಧಮಾತು
ಸಾಗಿಬಂತು ಶ್ರಾವಣದ ಕವಿಗೆ ಪದ್ಮಶ್ರೀ
ತಂಡದೋಪಾದಿಯಲಿ ಸಮ್ಮಾನಗಳ ಸಿರಿ
ಹೆಮ್ಮೆನೀಡಿ ಕರುನಾಡ ತಾಯ್ಮಡಿಲಿಗೆ
ಅಮರರಾದರು ಬಿಟ್ಟಿಲ್ಲಿ ನೆನಪಿನಾ ಹೆಜ್ಜೆ
ತಮ್ಮತನವ ಮಾದರಿಯಿತ್ತ ಗುರುವೆ
ನಮನವು ಜನ್ಮದಿನದ ಸವಿನೆನಪಿಗಾಗಿ
ಶ್ರೀಮತಿ ವಿಜಯಾ ಜಿ ಶೆಟ್ಟಿ
ಸಿರ್ಸಿ(ಉತ್ತರ ಕನ್ನಡ )
[31/01, 8:38 PM] Laxmi V Bhat Wrtr: *ಶಬ್ದ ಗಾರುಡಿಗ ಬೇಂದ್ರೆ*
ನೆರಳನೀಯುವ ದೈತ್ಯವೃಕ್ಷವು
ಸರಳ ಸಜ್ಜನ ಬೇಂದ್ರೆಯು
ಅರಳು ಮರಳಿನ ಪಂಚ ಕಾವ್ಯದ
ಬರೆಹವಿತ್ತಿಹ ಯೋಗಿಯು ||
ನಾಕು ತಂತಿಯ ವೀಣೆ ಮೀಟಿದ
ನಾಕ ಲೋಕದ ಐಸಿರಿ
ಬಾಕಿ ಎಲ್ಲವು ಶೂನ್ಯವಿಲ್ಲಿಯು
ಬೇಕು ಶಬ್ದದ ವೈಖರಿ ||
ಹತ್ತು ದಿಕ್ಕಿಗು ಕಾವ್ಯ ಸೌರಭ
ಸುತ್ತ ಹರಡಿದ ವರಕವಿ
ಮುತ್ತಿನಂತಹ ಮಾತನಾಡಿದ
ಚಿತ್ತ ಶುದ್ಧದ ರಸಕವಿ ||
ಸರಸ ಜೀವನ ವಿರಸ ಮರಣವು
ಕರೆಯ ಕೊಟ್ಟಿಹ ಸಾರಥಿ
ಕೊರತೆ ನೂರನು ಕಾಣದಂತೆಯೆ
ಮರೆಯಲಿಟ್ಟಿಹ ಕೀರುತಿ ||
ನೂರು ದುಗುಡವ ಮೆಟ್ಟಿ ನಿಂತಿಹ
ಮೇರು ಹೃದಯದ ಕಣ್ಮಣಿ
ಸಾರ ಸತ್ತ್ವದ ರಚನೆಯಿತ್ತಿಹ
ಭಾರತಾಂಬೆಯ ದಿನಮಣಿ ||
ಒಲವೆ ಜೀವನ ಸಾಕ್ಷಾತ್ಕಾರವು
ಬಲವು ತುಂಬಿದ ಬದುಕಿಗೆ
ಕುಲದ ಏಳ್ಗೆಯ ಮರೆತು ಲೋಕಕೆ
ಹಲವು ಕಾಣ್ಕೆಯು ಜಗತಿಗೆ ||
ಲಕ್ಷ್ಮೀ ವಿ ಭಟ್
ಮಂಜೇಶ್ವರ
31- 01-2023
[31/01, 9:07 PM] Manjula Ba: ಬತ್ತದ ತೊರೆ ಸ್ನೇಹ ಬಳಗಕ್ಕೆ ನನ್ನ ಈ ಕವನ " ವರನಾದ ವರಕವಿ "
ಕವನಕ್ಕೆ ಆಗಿರುವಿರಿ ನೀವು ಆಸ್ತಿ ನಿಮ್ಮ ಕವನದಿಂದ ನಲಿವು ಜಾಸ್ತಿ ಮನಕಾಗುವುದು ನೆಮ್ಮದಿಯ ತೃಪ್ತಿ ನಿಮಗೆ ಇನ್ನೂ ಲಭಿಸಲಿ ಗೌರವ ಪ್ರಶಸ್ತಿ
ನೀಡಿದಿರಿ ನಮಗೆ ನಾಕುತಂತಿಯ ಸವಿ ನಿಮ್ಮಲ್ಲಿದೆ ಕವನಗಳಿರುವ ಬೃಹತ್ ಗವಿ ನಮ್ಮೆಲ್ಲರ ಬಾಳಿಗೆ ಬೆಳಕಾಗಿರುವ ರವಿ ನೀವೆ ನಮ್ಮ ಕನ್ನಡಕ್ಕೆ ವರವಾದ ವರಕವಿ
ಸಖೀಗೀತ,ನಾದಲಿಲೇ,ಗರಿ,ಜೀವಲಹರಿ ನಮನ,ವಿನಯ,ಪರಾಕಿ,ಕಾಮಕಸ್ತೂರಿ ಇವೆಲ್ಲವುಗಳು ನಮಗೆ ದೊಡ್ಡ ಮಾದರಿ ಮುಂದೆ ಇವುಗಳೆ ನಮ್ಮ ಬದುಕಿಗೆ ದಾರಿ
ಕನ್ನಡಕ್ಕೆ ದೊರೆತಂತಹ ಗಣ್ಯಾತಿ ಗಣ್ಯ ಸಿಕ್ಕಿದೆ ಎಲ್ಲ ಕಡೆಯು ನಿಮಗೆ ಮಾನ್ಯ ನಿಮ್ಮನ್ನು ಪಡೆದ ನಾವೆಂದಿಗೂ ಧನ್ಯ ಕನ್ನಡಕ್ಕೆ ನೀವು ಸಿಕ್ಕಿದ್ದು ನಮ್ಮ ಪುಣ್ಯ
ನಿಮ್ಮ ಕವನ ನಮ್ಮ ಮನದಲ್ಲಿ ಭರ್ತಿ ನಿಮ್ಮಯ ಕವನಗಳೇ ನಮಗೆ ಸ್ಪೂರ್ತಿ ನಿಮ್ಮಿಂದ ಕನ್ನಡಕ್ಕೆ ದೊರಕಿದೆ ಕೀರ್ತಿ ನೀವೆ ಕನ್ನಡಕ್ಕೆ ದೊರೆತ ಸುಂದರ ಮೂರ್ತಿ
-ಮಂಜುಳಾ.ಬ.ಕುರಬೇಟ
[31/01, 9:15 PM] G H ಸಂಕಪ್ಪ: ಬತ್ತದ ತೊರೆ ಸ್ನೇಹ ಬಳಗ
ಕಾರಂತಜ್ಜನ ನೆರಳಿನಡಿಯಲ್ಲಿ
(ಕಲೆ ಹಾಗೂ ಸಾಹಿತ್ಯ ವೇದಿಕೆ)
_________________________
೩೧.೦೧.೨೦೨೩ ಕವನ ರಚನೆ
ದ.ರಾ.ಬೇಂದ್ರೆ ಜನ್ಮದಿನ
_______________________________________________________________________________________________
ಶೀರ್ಷಿಕೆ : ಯುಗದ ಕವಿ ವರಕವಿ
_______________________________________________________________________________
ತುಂಬಿ ಬಂದಿತ್ತಾ ತಂಗಿ ತುಂಬಿ ಬಂದಿತ್ತಾ
ಅಂಬಿಕಾತನಯದತ್ತರ ಗಾನ ಮನವ ತುಂಬಿತ್ತಾ
ವರಕವಿಯ ಒಂದೊಂದೂ ಕವನದ ಚರಣ
ಸ್ವರ ಮಾಧುರ್ಯವೆಂದೂ ಹಸಿರು ತೋರಣ
ಹುಣ್ಣುಮೆ ಚಂದಿರನ ಹೆಣ ಬಂತು ಮುಗಿಲಾಗ
ಕಣ್ಣೀರು ತರಿಸುವ ಮಗುವಿನಗಲಿಕೆಯ ರಾಗ
ಮುಗಿಲಮಾರಿಗೆ ರಾಗರತಿಯ ರಂಗು ಏರುತ್ತಿತ್ತಾ
ಯುಗ ಯುಗಾದಿ ಕಳೆದರೂ ಬೇಂದ್ರೆ ಗಾನ ಕೇಳುತ್ತಿತ್ತಾ
ಅಂತರಂಗದಾ ಮೃದಂಗ ಅಂತು ಥೋಂ ತನಾನ
ಎಂತಹವರೂ ತಲೆದೂಗುವ ದಿವ್ಯ ಭಾವಾಭಿಮಾನ
ಇಳಿದು ಬಾ ತಾಯೆ ಎಂದು ಬರೆದ ಗಂಗಾವತರಣ
ತಳಿರು ತೋರಣಗಳಿಂದ ಸ್ವಾಗತಿಸಿ ಕರೆದ ಶ್ರಾವಣ
ಇನ್ನು ಯಾಕೆ ಬರಲಿಲ್ಲವ್ವಾ ಹುಬ್ಬಳ್ಳಿಯಾವ ಗಾನದ ಸೊಗಡು
ನಾನು ಬಡವಿ ಆತ ಬಡವ ಒಲವೇ ನಮ್ಮ ಬದುಕ ಹಾಡು
ಮೂಡಲ ಮನೆಯ ಮುತ್ತಿನ ನೀರಿನ ಎರಕಾವ ಹೊಯ್ದ
ಮೂಡಿಸಿತು ಧನ್ಯತೆ ಪ್ರಕೃತಿಯ ರಸಾನುಭವದಲ್ಲಿ ತೊಯ್ದು
ಘಮ ಘಮ ಘಮ್ಮಾಡಿಸ್ತಾವ ಮಲ್ಲಿಗೆಯ ಕಂಪು
ಸುಮ ಸುಮ ಭೃಂಗದ ಬೆನ್ನೇರಿ ಬಂದ ಇಂಪು
ನಾರಿ ನಿನ್ನ ಮ್ಯಾರಿ ಮ್ಯಾಗ ನಗಿ ನವಿಲು ಆಡುತ್ತಿತ್ತಾ
ಯಾರಿಗೂ ಹೇಳೋಣು ಬ್ಯಾಡ ಗಾನ ಹಾಡುತ್ತಿತ್ತಾ
ಬಂಗಾರ ನೀರ ಕಡಲಾಚೆಗಿದೆ ನೀಲ ನೀಲ ತೀರ
ಸಿಂಗಾರದಾಭರಣ ಕನ್ನಡ ಸಾಹಿತ್ಯಕಿದು ಹೂವಿನಹಾರ
ಕವನ ಸಂಕಲನ ನಾಕು ತಂತಿಗೆ ಜ್ಞಾನಪೀಠ
ಭುವನೇಶ್ವರಿ ಕನ್ನಡ ತಾಯಿಗೆ ನೀವೆಂದೂ ಶಿರಕೆ ಪೇಟ
___________೩೧.೦೧.೨೦೨೩ ಬೇಂದ್ರೆ ಕವನ ರಚನೆ____________________
✍️
ಜಿ.ಹೆಚ್ .ಸಂಕಪ್ಪ
ಚನ್ನಗಿರಿ
9066643902
[31/01, 9:22 PM] Usha Dinesh Wrtr: ಬತ್ತದ ತೊರೆ ಕವನ ಸ್ಪರ್ಧೆಗಾಗಿ
ವರಕವಿ ಬೇಂದ್ರೆ-ನುಡಿ ನಮನ
----------------- ------------------
ಕರಮುಗಿಯುವ ಕವಿಕುಲ ತಿಲಕರಿಗೆ
ಸಾಧನೆಯ ಗೈದ ಮಹೋದಯರಿಗೆ
ಸರಳ ವಿರಳ ವ್ಯಕ್ತಿತ್ವದ ಸಿದ್ದಿಪುರುಷರಿಗೆ
ಶ್ರೇಷ್ಠ ಗೌರವಗಳ ಪಡೆದ ಮಹಾಕವಿ ಪ್ರತಿಭೆಗೆ
ಬೇಂದ್ರೆ ಅಜ್ಜನಾಗಿ ಪರಿಚಿತರು ಜನತೆಗೆ
ತಾಯಿ ಅಂಬಕ್ಕರು ಅಕ್ಕರೆಯು ಅವರಿಗೆ
ಮಾತು ಹರಿತವಾದರೂ ದಾರಿಯು ಅರಿವಿಗೆ
ಮೃದು ಹೃದಯಿ ಇವರು ಆಂತರ್ಯದ ಪ್ರೀತಿಗೆ
ರಚಿಸಿದ ಕೃತಿಗಳು ಅತ್ಯಮೂಲ್ಯವಾದವು
ಅರಳಿದ ಗೀತೆಗಳು ಜಗಜನಿತವಾದವು
ಎಲ್ಲ ಪ್ರಕಾರದಲಿ ಕಾವ್ಯಗಳು ಗೆದ್ದವು
ಕಾವ್ಯ ಲೋಕಕೆ ಕೊಡುಗೆ ಚಿರಸ್ಥಾಯಿಯಾದವು
ಕಡು ಬಡತನದಲ್ಲೂ ಹೃದಯ ಶ್ರೀಮಂತ
ಕರುನಾಡ ಜನತೆಗೆ ವರಕವಿಯು ಈತ
ಕಾವ್ಯನಾಮವು ಇವರದು ಅಂಬಿಕಾತನಯದತ್ತ
ನಾಕುತಂತಿಗಾಗಿ ಜ್ಞಾನಪೀಠ ಪಡೆದಾತ
ಕಾವ್ಯಗಂಗೆಯನ್ನು ಹರಿಸಿ ಮೆರೆಸಿದರು
ಬೆಂದು ಬೆಂದು ಬೇಂದ್ರೆಯಾದರು
ಕನ್ನಡದ ಕಾಳಿದಾಸರೇ ಇವರಾದರು
ಕಾವ್ಯಲೋಕದಲ್ಲಿ ಅಜರಾಮರರಾದರು
ಉಷಾ ದಿನೇಶ್
[31/01, 9:23 PM] +91 97411 94377: *ಬತ್ತದ ತೊರೆ ಸ್ನೇಹ ಬಳಗದ ಸ್ಪರ್ಧೆಗಾಗಿ✍️*
ವಿಷಯ : *ನಾಕುತಂತಿ ಖ್ಯಾತಿಯ ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ದ.ರಾ.ಬೇಂದ್ರೆ ಅವದ ಜನ್ಮದಿನದ ಅಂಗವಾಗಿ ಕವನ ರಚನೆ*
ದಿನಾಂಕ: *೩೧/೦೧/೨೦೨೩*
ವಾರ: *ಸೋಮವಾರ*
ಶೀರ್ಷಿಕೆ: *ದಾರ್ಶನಿಕ ಮಹಾಕವಿ*
~~~~~~~~~~~~~~~~~~~~~~~~~
ರಾಮಚಂದ್ರ ಅಂಬಿಕಾರವರ ವರ ಪುತ್ರರು
ಗದಗ ಪಟ್ಟಣದ ಶಿರಹಟ್ಟಿ ಗ್ರಾಮದವರು
ಓದನು ಮುಗಿಸಿ ಅಧ್ಯಾಪಕರಾದವರು
ದಾರ್ಶನಿಕ ಮಹಾಕವಿ ಬೇಂದ್ರೆಯವರು//
ಕಾಲಕಾಲಕ್ಕೆ ಬಾಳುವಂತ ಕವನ ರಚಿಸಿದರು
ಕನ್ನಡ ನುಡಿ ನಾಡಿಮಿಡಿತದಂತೆ ಪಸರಿಸಿದರು
ಕಾವ್ಯನಾಮಕೆ ಅಂಬಿಕಾತನಯದತ್ತ ಎಂದರು
ಸಾಹಿತ್ಯ ರಂಗವನ್ನು ಶ್ರೀಮಂತ ಗೊಳಿಸಿದರು//
ನಾಟಕ ,ವಿಮರ್ಶೆ, ಲೇಖನಗಳು ಬರೆದರು
ಪರಭಾಷೆಗೆ ತನ್ನದೇ ಚಾಪು ಮೂಡಿಸಿದರು
ಹಲವಾರು ಕವನ ಸಂಕನಗಳ ಹೊರತಂದರು
ನಾಕುತಂತಿ ಕೃತಿಗೆ ಜ್ಞಾನಪೀಠ ಸ್ವೀಕರಿಸಿದರು//
ಅಪ್ಪಟ ದೇಶಭಕ್ತ ದೇಶಪ್ರೇಮಿ ಇದ್ದವರು
ಸ್ವಾತಂತ್ರ್ಯ ಚಳುವಳಿಯಲ್ಲಿ ಹೆಜ್ಜೆ ಇಟ್ಟವರು
ಕಷ್ಟ ಕಾರ್ಪಣ್ಯಗಳನು ಎದುರಿಸಿ ನಡೆದರು
ಸಮಯ ಪರಿವಿಲ್ಲದೆ ಅವಿರತ ಶ್ರಮಿಸಿದರು//
ಸಾಹಿತ್ಯ ಸಮ್ಮೇಳನದ ಸರ್ವಾಧ್ಯಕ್ಷರಾದರು
ಅತ್ತುನ್ನತದ ಪ್ರಶಸ್ತಿಗಳಿಗೆ ಭಾಜನರಾದರು
ನಾಡ ಸೇವೆಗೆ ಜೀವನ ಮುಡುಪಾಗಿಟ್ಟವರು
ಜನಮನದಿ ಶಾಶ್ವತ ನೀವು ಅಜರಾಮರರು//
*ರಚನೆ: ಹೆಚ್ ಎಸ್ ಗೌಡರ ಇಳಕಲ್ಲ ...✍️*
[31/01, 9:34 PM] Veena Krishna Murthy: ಬತ್ತದ ತೊರೆ ಸಾಹಿತ್ಯ ಬಳಗಕ್ಕಾಗಿ- ದ.ರಾ.ಬೇಂದ್ರೆ ಕುರಿತ ಸ್ವರಚಿತ ಕವನ.
ಶೀರ್ಷಿಕೆ:- ಬೇಂದ್ರೆ ಅಂದ್ರೆ ಇವರೆಂದ್ರೇ.
..................................................
ದತ್ತಾತ್ರೇಯ ರಾಮಚಂದ್ರ ಬೇಂದ್ರೆ
ಧಾರವಾಡದ ಸಾಧನಾ ಕೇರಿಯವರೆಂದ್ರೇ
*ನಾಕು ತಂತಿ* ಮೀಟಿ ಮಿಡಿದ ಗಾರುಡಿಗ
ಕನ್ನಡಿಗರ ಮನದಲ್ಲಿಹುದಿವರಿಗೆ ಜಾಗ!
ಭಾವ ತರಂಗದಲೆಯಲ್ಲಿ ಅಕ್ಷರದಾಟ
ಕವನ ಕವನದೆಳೆಯಲ್ಲಿ ಸಾಹಿತ್ಯ ಕೂಟ
ಪದ ಪುಂಜಗಳು ರಸ ತುಂಬಿದ ಭಾವದಲ್ಲಿ
ಸಾಹಿತ್ಯ ಸಾರವು ಕಾರಂಜಿಯಂತೆ ಮನದಲ್ಲಿ!
ಮೂಡಲ ಮನೆಯ ಮುತ್ತಿನ ನೀರಿನ
ನೀ ಹಿಂಗಾ......ನೋಡಬ್ಯಾಡ ನನ್ನ..
ಪಾತರಗಿತ್ತಿ ಪಕ್ಕಾ....ನೋಡಿದ್ಯಾನೆ ಅಕ್ಕಾ
ಮರೆಯಲಾಗದೆಂದಿವರನ್ನು ನಾವು ಪಕ್ಕಾ!
ಧಾರವಾಡದ ಪೇಡಾ ಅಂದ್ರೆ ಬೇಂದ್ರೆ
ಸವಿದಷ್ಟು ಬಲು ಮಧುರ ನೀವ್ ಓದಿದ್ರೇ
ಕಾರ್ಪಣ್ಯದ ಬದುಕುಲ್ಲು ಸಾಹಿತ್ಯ ಕಲ್ಲು ಸಕ್ಕರೆ
ಸಂತೈಸಲು ಸಾಕಿತ್ತವರಿಗೆ ಮಡದಿ ನಕ್ಕರೆ!
ಕನ್ನಡದ ಕಣ್ಮಣಿ- ಜ್ಞಾನ ಪೀಠ ಶಿರೋಮಣಿ
ಬದುಕು ಜಟಕಾ ಬಂಡಿಯ ಗಾಲಿಯಲಿ
ವಿಧಿ ಅದರ ಸಾಹೇಬ ಬರೆದಿರುವ ಸಾಹಿತ್ಯ
ಇವರಿಗಿವರೇ ಸರಿಸಾಟಿ ಇದು ನಿತ್ಯ ಸತ್ಯ.
ವೀಣಾ ಕೃಷ್ಣಮೂರ್ತಿ, ದಾವಣಗೆರೆ.
[31/01, 9:34 PM] ಮಾಲತಿ ರಮೇಶ್: ಸ್ಪರ್ಧೆಗಾಗಿ:- ಕವನ ರಚನೆ
ವಿಷಯ:- ನಾಕುತಂತಿ ಖ್ಯಾತಿಯ ಜ್ಞಾನ ಪೀಠ ಪ್ರಶಸ್ತಿ ಪುರಸ್ಕೃತ ದ.ರಾ.ಬೇಂದ್ರೆ ರವರ ಜನ್ಮದಿನದ ಅಂಗವಾಗಿ ಕವನ ರಚನೆ
ಶೀರ್ಷಿಕೆ:- ಕನ್ನಡದ ಮೇರು ಪರ್ವತ
ಕನ್ನಡನಾಡಿನ ಶ್ರೇಷ್ಠ ಕವಿ ಇವರು
ಕನ್ನಡಿಗರ ಮನಮನದಲ್ಲೂ ಇರುವರು
ನಾಕುತಂತಿಗೆ ಜ್ಞಾನಪೀಠ ತಂದವರು
ಇವರೇ ನಮ್ಮ ದ.ರಾ.ಬೇಂದ್ರೆಯವರು
ಅಂಬಿಕಾತನಯ ಎಂಬ ನಾಮಾಂಕಿತ
ಹೆಮ್ಮೆಯ ಜ್ಞಾನ ಪೀಠ ಪುರಸ್ಕೃತ
ಕಾವ್ಯಕ್ಕೆ ಪ್ರೇರಣೆ ನೀಡಿದ ಮಹಾತ್ಮ
ನಾದಲೀಲೆಯ ಜಗಕೆ ತೋರುತ
ಮುಗಿಲ ಮಲ್ಲಿಗೆಯ ಸರದಾರ
ಕೃಷ್ಣ ಕುಮಾರಿಯ ಹರಿಕಾರ
ಕರುನಾಡಿನ ಸೌಂದರ್ಯ ರತ್ನ
ಕನ್ನಡ ಸಾಹಿತ್ಯದ ಮೇರು ಪರ್ವತ
ಸುಂದರ ಕವನಗಳ ಸಂಗಮ
ಸಮರಸವೇ ಜೀವನದ ಜಂಗಮ
ಕನ್ನಡ ಸಾಹಿತ್ಯಕ್ಕೆ ಅಮರರಾದರು
ಕರುನಾಡಿನ ವಿಶ್ವ ಕೋಶರು
ಅದೆಷ್ಟೋ ಕವನ ಸಂಕಲನಗಳು
ಕವಿರತ್ನರಿಗೆ ಶುಭಾಶಯಗಳು
ಹುಟ್ಟು ಹಬ್ಬದ ಸವಿನೆನಪುಗಳು
ನಿಮಗೆ ನಮ್ಮೆಲ್ಲರ ನಮನಗಳು
✍️ ಮಾಲತಿ ರಮೇಶ್ ಕೆಮ್ಮಣ್ಣು
ಹುಟ್ಟು ಹಬ್ಬದ ನೆನಪಿಗಾಗಿ
[31/01, 9:37 PM] +91 99646 77549: ಸ್ಪರ್ಧೆಗಾಗಿ
ಬತ್ತದ ತೊರೆ ಸ್ನೇಹ ಬಳಗ
ಶೀರ್ಷಿಕೆ: ವರಕವಿ
ಅಂಬಿಕಾತನಯರ ಭಾವ ವೀಣೆಯ ಮೀಟಲು
ನಾಕುತಂತಿಯ ನಾದ ಹೊಮ್ಮಿ ಬಂತು
ರಸಋಷಿಯ ತಪಸ್ಸಿಗೆ ಮೆರುಗು ತರಲು
ಜ್ಞಾನಪೀಠದ ಭಾಗ್ಯ ಒಲಿದುಬಂತು……….
ಅವಧೂತರ ಸಾಹಿತ್ಯ ಸೇವೆಯ ಸ್ಮರಿಸಲು
ಸಖೀ ಗೀತಾ ಗರಿಗೆದರಿತು
ಅರಳು ಮರಳು ಮತ್ತೆ ಚಿಗುರಲು
ಜೀವನ ಲಹರಿ ಉಯ್ಯಾಲೆ ತೂಗಿತು…….
ವರಕವಿಯ ಮುಗಿಲ ಮಲ್ಲಿಗೆ ಅರಳಲು
ಚೈತ್ರಾಲಯದಿ ಮತ್ತೆ ಶ್ರಾವಣ ಬಂತು
ಸಾಹಿತ್ಯ ಪ್ರೇಮಿ ತುತ್ತೂರಿ ಊದಲು
ನಿರಾಭರಣ ಸುಂದರಿಯ ಮೊಗ ನಕ್ಕಿತು……
ಶಬ್ದ ಗಾರುಡಿಗನು ಒಲವೇ ಬದುಕೆನ್ನಲು
ಸಾಹಿತ್ಯದ ಮೊಗ್ಗು ಅರಳಿತು
ನೂರೊಂದು ಕವನ ಸಾವಿರ ಭಾವ ಚೆಲ್ಲಲು
ದತ್ತಾತ್ರೇಯನ ಜನುಮ ಪಾವನವಾಯಿತು…..
ಪ್ರಶಸ್ತಿಯ ಸರಮಾಲೆಯ ಧರಿಸಲು
ಮುಕ್ತ ಕಂಠದಿ ಹಾಡಿ ಹೊಗಳಿತು
ಕರ್ನಾಟಕ ಕುಲ ತಿಲಕನ ನೆನೆಯಲು
ಹೃದಯ ಭಾವ ಲಹರಿ ತುಂಬಿ ಬಂತು…..
ಪ್ರಜ್ವಲಾ ಶೆಣೈ
ಕಾರ್ಕಳ
[31/01, 9:49 PM] Rekha G Nayaka Wrtr: ಬತ್ತದ ತೊರೆ ಸ್ನೇಹ ಬಳಗ ಸ್ಪರ್ಧೆಗಾಗಿ ,:ಕವನ
ವರ ಕವಿದ.ರಾ ಬೇಂದ್ರೆ
ಕನ್ನಡಕ್ಕೆ ಗೌರವದ ಗರಿ ತಂದ ಕವಿ ಎಂದ್ರೆ,
ನಾಕುತಂತಿ ನುಡಿಸಿದ ನಮ್ಮ ದರಾ ಬೇಂದ್ರೆ,
ಹಕ್ಕಿ ಹಾರುತಿದೆ ನೋಡಿದಿರಾ ಇಲ್ಲಾಂದ್ರೆ,
ಅರಳು ಮರುಳಾಗಿಲ್ಲ ಇನ್ನು ಹೇಳುವೆ ನಾ ನೀವೆಲ್ಲ ಬಂದ್ರೆ//
ಕವಿಯಾಗಿ ಶಿಕ್ಷಕರಾಗಿ ದುಡಿದ ಮಹನೀಯರು,
ಹೆಸರಾದರೂ ಕಾವ್ಯನಾಮದಿ ಅಂಬಿಕಾತನಯದತ್ತರು,
ಯುಗ ಯುಗಾದಿ ಕಳೆದರೂ ಹೊಸ ಯುಗಾದಿ ತಂದರು,
ಮೂಡಲ ಮನೆಯಲ್ಲಿ ಮುತ್ತಿನ ಎರಕವ ಹೊಯ್ದರು//
ಮೊದಲ ಪ್ರಕಟಿತ ಕವನ ತುತ್ತೂರಿಯಾದರೂ,
ನಾಕುತಂತಿಗೆ ಜ್ಞಾನಪೀಠ ಪ್ರಶಸ್ತಿ ಬಂದರೂ,
ಹಿಗ್ಗದೆ ಕುಗ್ಗದೆ ಸಂಯಮದಿ ಜೀವನ ನಡೆಸಿದರು,
ಕಳೆದುಕೊಂಡು ನೀ ಹಿಂಗ ನೋಡಬ್ಯಾಡ ಎಂದರು//
ಸಾಧನಕೇರಿಯಲ್ಲಿ ಅರಳದ ಅಪ್ರತಿಮ ಸಾಧಕ,
ಸಖಿಗೀತದಿ ತಿಳಿಸಿಹ ವೈವಾಹಿಕ ಜೀವನದ ಜಾತಕ,
ಎಲ್ಲರ ನೆಚ್ಚಿನ ವರ ಕವಿಯಾದ ಕವಿ-ದರ್ಶಕ,
ಕನ್ನಡ ಭಾಷೆಯ ಪುನರುಜ್ಜೀವನಗೊಳಿಸಿದರು ಕಾವ್ಯದ ಮೂಲಕ//
ನಾಗಲೀಲೆಯ ನಾದ ಹೊರಹೊಮ್ಮಿಸಿದರು,
ಮೇಘದೂತವ ಕನ್ನಡದಲ್ಲಿ ಬರೆದರು,
ಗಂಗಾವತರಣದಿ ಎಲ್ಲರ ಮನ ಮುಟ್ಟಿದರು,
ಮರೆಯಲಾರೆವು ನಿಮ್ಮ ಸಾವಿರ ಸಾವಿರ ವರುಷ ಸಂದರೂ//
✍️ ಶ್ರೀಮತಿ ರೇಖಾ ಜಿ ನಾಯಕ ಮುಖ ಶಿಕ್ಷಕರು ಸರ್ಕಾರಿ ಪ್ರೌಢಶಾಲೆ ಕಣಬರ್ಗಿ ಬೆಳಗಾವಿ
[31/01, 9:52 PM] Savita Mudgal: ಸ್ಪರ್ಧೆಗಾಗಿ
ವಿಷಯ 🌺ದ. ರಾ. ಬೇಂದ್ರೆರವರ ಜನ್ಮ ದಿನದ ಅಂಗವಾಗಿ ಕವನ ರಚನೆ 🌺
🌺ನಮ್ಮ ಮುತ್ಯಾ ಬೇಂದ್ರೆ 🌺
ಧಾರವಾಡ ಸೀಮೆಯಲಿ ಜನನವು
ಧರೆಯಲಿ ಸಾಹಿತ್ಯದ ಪಲ್ಲಕ್ಕಿಯು
ಕನ್ನಡದ ಭಾಷೆಯ ಕೀರಿತಿಯು
ನಮಗೀಗ ಸಂತೋಷದ ಔತಣವು||
ಬೀದ್ಯಾಗ ಹೊರಟರೆ ನಮ್ಮುತ್ಯಾಗಿಂದು
ದೃಷ್ಟಿಯು ಆಗತಾದ ರತ್ನಕ್ಕಿಂದು
ಬಹಳ ಸುಂದರಾಂಗ ಆಗ್ಯಾರಿಂದು
ಎರಡು ಕಣ್ಣುಬಿಡಬ್ಯಾಡಿ ಮುತ್ಯಾಗಿಂದು ||
ನಾಕುತಂತಿ ಓದದಿದ್ದರೆ ವ್ಯರ್ಥವು
ಸಾಹಿತ್ಯ ಲೋಕದ ಅನರ್ಘ್ಯರತ್ನವು
ಕರ್ನಾಟಕದ ನೆಚ್ಚಿನ ವರಕವಿಯು
ಅಂಬಿಕಾತನದತ್ತ ನಾಮದೇಯ ಬೇಂದ್ರೆಯವರು ||
ಯುಗದ ದಾರ್ಶನಿಕ ಮಹಾಕವಿಯು
ಉಪನ್ಯಾಸಕವನ್ನು ಮೆಚ್ಚುವಂತೆ ಮಾಡಿದವರು
ಜ್ಞಾನಪೀಠ ಕೊಟ್ಟ ಮಹಾತ್ಮಾರಿವರು
ಮರೆಯದ ಮಾಣಿಕ್ಯದಂತ ಕವಿಯಿವರು ||
ದುಃಖ ಬಂದ್ರು ಚಾಪು ಮೂಡಿಸಿದ ಕವನವು
ನೀ ಹಿಂಗ ನೋಡಬ್ಯಾಡ ಗೀತೆಯದು
ಮೂಡಲ ಮನೆಗಿಂದು ರಂಗು ತಂದವರು
ಅಂಬಿಕಾರಾಮಚಂದ್ರ ಮಗ ಮಹಾನ್ನರು||
125ನೇ ಜನ್ಮ ದಿನವಿದು ಅಜ್ಜನಿಗೆ
ಹೋಳಿಗೆ ತುಪ್ಪ ತಿನ್ನಿರಿ ಮರೆಯದೆ
ಸವಿಯೂಟ ಸವಿದ ಎಲ್ಲರಿಗೂ
ಶುಭಾಶಯಗಳು ತಿಳಿಸುವೆ ಮುತ್ಯಾರಿಗೂ ||
ಧನ್ಯವಾದಗಳು
ಸವಿತಾ ಮುದ್ಗಲ್
ಗಂಗಾವತಿ
